Oosie-Leiers

Die ontwikkeling van sterk leierseienskappe is ‘n hooffokus van Hoërskool Oosterlig.

Die Leierskomitee word die platform gebied om aan die toekomsvisie van Hoërskool Oosterlig te bou.

Die Leierskomitee is eerste verantwoordelik vir die oriëntering van die graad 8’s en hul integrasie in die skool. Die Leierskomitee beplan en fasiliteer die graad 8-kamp en werk direk met die graad 8’s om hul eienskappe ten toon te stel en te ontwikkel. Dit beteken ook dat die graad 8’s eerstehandse leiding en kennis ontvang. Die leierskomitee skryf, beplan, choreografeer en koördineer self die Groentjiekonsert en Welkomweek, én dien as mentors en toesighouers tydens die Bootcamp, wat hul menseverhoudings, interpersoonlike leierseienskappe en selfstandigheid bevorder sodat hul in die werksmag sal uitblink.

Alhoewel hierdie projekte en verantwoordelikhede van die Leierskomitee onder leiding van personeel plaasvind, het die Leierskomitee hulself nog net puik van hul taak gekwyt.

Die Leierskomitee staar enige uitdaging met drif en entoesiasme in die oë – daarom word die graad 8-kamp by die skool aangebied en gefasiliteer deur die Leierskomitee. Die gewone kampstruktuur van ouds (te uitslaapkampterrein) word gevolg deur die fasiliteite van die skool aan te pas en selfs nuwe fasiliteite in plek te stel sodat ‘n graad 8-kamp kon plaasvind – net op ‘n ander perseel.

Naas die graad 8’s strek die rol van die Leierskomitee na die implementering van skoolreëls, dissipline, en die behoud van die leerders se voorkoms volgens die skoolreëls, asook terreindiens tydens pouses. Verder meer speel die Leierskomitee ‘n belangrike rol in die bemarking van skoolaktiwiteite en -aangeleenthede.

Die Leierskomitee is die trots van die skool en daarom het hulle ook die voorreg om die skool daagliks te begin met skriflesing en gebed tydens opening.

Oosie-VLR

VLR (in graadverband) speel ‘n groot rol in die kommunikasie met leerders en vorm deel van die kanale wat gevolg word in probleemoplossing en die groei van die skool.