Hoërskool Oosterlig – waar prestasie nog pret is!
Hoërskool Oosterlig is trots op dit wat ons in ‘n kort tydperk vanaf 1993 vermag het.
Ons gee erkenning aan die geskiedenis wat ons skool vooraf gegaan het. Die tradisies wat ons in hierdie tyd tot stand gebring het, sal ons altyd koester. Die leiers en administrateurs wat voorgeloop het, was ware baanbrekers. Ons prestasies beskou ons nie as vanselfsprekend nie.
Dit getuig van uitsonderlike talente van ons kinders, kundige personeel en afrigters, wonderlike ouers uit die gemeenskap en groot genade van ons Hemelse Vader.
Hoërskool Oosterlig steun op waardes en norme wat vir ons ononderhandelbaar is soos: Ons Christelike Geloof; Liefde; Moedertaalonderrig; Respek; Verantwoordelikheid; Passie; Integriteit; Dankbaarheid
Totale skoolopleiding by Hoërskool Oosterlig berus op die volgende drie ontwikkelingsvelde nl. akademie, sport en kultuur. Ons leerlinge lewer op hierdie terrein uitstekende prestasies.
By ons skool is dissipline vir ons baie belangrik, maar ons gun elke leerling lewensruimte. Sekerlik is dit waar ons slagspreuk sy oorsprong kry, nl.:
“Hoërskool Oosterlig – waar prestasie nog pret is!”
Visie
Vir die voorsprong in lewensvaardighede
Missie
Hoërskool Oosterlig wil:
1. as sekondêre opvoeder ‘n leerkultuur vestig en behou deur maksimale geleenthede te skep. Dit stel leerders in staat om gehalte onderwys te ontvang, onderrig te word en te sosialiseer sodat
- hulle as volwaardige mense kan ontwikkel met inbegrip van akademie, sport, kultuur en hiervoor word Afrikaans as medium gebruik vir kommunikasie, onderrig en evaluering;
- hulle toegerus kan word om verantwoordelike landsburgers te kan wees;
2. alle onderrigaktiwiteite baseer op die waardes en norme waarin ons glo;
3. personeel, ouers en leerders vestig as ‘n gelukkige skoolgemeenskap;
4. leierskap onder die aandeelhouers ontwikkel.
Teken in op ons YouTube kanaal:
Beste afrikaanse hoërskool in Boksburg. Kan Oosterlig aanveveel vir enige ouer wat sy kind in ‘n Afrikaanse skool laat onderrig.
Beste skool waarmee my dogter haar matriekjaar mee kon afsluit…baie hoogs aanbeveel vir enige ouers met waardes.
Drie van my kinders was in Oosterlig. Baie goeie skool met goeie waardes. Sal Oosterlig baie sterk aanbeveel vir enige kind wat soontoe wil gaan.
Beste keuse wat ek ooit kon maak, geniet om deel te wees van so ‘n awesome skool #trotseOosie
